បទភ្លេង និងសម្រួលតន្ត្រី ដោយ ៖ ពៅ ស៊ីផូ និង សុះ ម៉ាត់
ទំនុកច្រៀង ៖ ម៉ា ឡៅពី
ច្រៀងដោយ ៖ សុីន សុីសាមុត
១. ខ្ញុំរួចទោសផុតជ្រោះស្នេហា ឋានវិមានសោភា ជារឿងទុក្ខារីងរៃ សូមលាហើយ ព្រោះអស់និស្ស័យ ដើម្បីកុំឲ្យតណ្ហា ផ្ដន្ទាថាខ្ញុំជាជនសំណល់ ។
២. ជីវិតថ្លៃចៃដន្យវាសនា ស្ដាយលោហិតមាតា ដែលអស់សង្ខារខានយល់ យើងទាំងពីរឆ្លងផុត ឋានអំពល់ ឋានអំពល់ រួមវាសនាសាងឫសគល់ ផុតផលពីអំរែកកម្ម ។
R. សូមប្រកាសដល់អស់ទេវតា ជួយចាំរឿងស្នេហា កណ្ដាលដួងចិត្តនៃខ្ញុំ សូមឲ្យចិន្ដានៃបុប្ផាក្រពុំ មករួមរស់មនោរម្យ ព្រមជាគូរវាសនា ។
៣. ឱ! កណ្ដាលថ្នាលជីវិតចុងក្រោយ អូនកុំបណ្ដោយឲ្យមានចិត្តប្រេះឆា ជួយអាណិតដល់ជីវិតកំព្រា កំព្រា ជួយបងផងណាពុំងា រួមរស់ជាគ្នាលុះគ្រាអវសាន ៕
Subscribe to:
Post Comments
(
Atom
)
0 comments:
Post a Comment