- កកក៏បាយ មេម៉ាយក៏ស្រី កន្ទុយបារីក៏ថ្នាំ
- កាត់ទឹកមិនដាច់ កាត់សាច់វាឈឺ
- កាប់បំពង់ រង់ចាំទឹកភ្លៀង
- ការប៉ុនភ្នំមិនគិត ទៅគិតឯស្គរកំបែកមាត់
- កោកៗ សឹកតែមាត់ត្រដោក ឆ្អែតតែពោះក្របី
- កោរមិនដាក់ទឹក
- កុំខ្វើកតាមខ្យល់ កុំខ្វល់តាមរលក
- កុំគូមុនគិត
- កុំឈ្លោះនឹងស្ត្រី កុំក្ដីនឹងគ្នាឯង
- កុំដេកផ្សងព្រេង កុំវង្វេងខុសផ្លូវ
- កុំដាំស្រូវ នៅផ្លូវដំរី
- កុំទុកចិត្តមេឃ កុំទុកចិត្តផ្កាយ កុំទុកចិត្តប្រពន្ធ ថាគ្មានសាហាយ កុំទុកចិត្តម្ដាយ ថាគ្មានបំណុល
- កុំទុំមុនស្រគាល
- កុំផ្ទុកតាមទូកថ្វែ
- កុំពត់ស្រឡៅ កុំប្រដៅស្រីខូច
- កុំពូតផ្សែងជាដុំ កុំយកភ្នំទ្រាប់អង្គុយ
- កុំរាមុខដឹង កុំទទឹងមុខសឹក
- កុំពាក់មុខយក្ខ កុំពាក់ស្បែកខ្លា
- កុំយកស្រឡៅធ្វើខ្នួច កុំសម្រួចឈើពុក
- កំភ្លាញស្លាប់ព្រោះមាត់ ខ្វែកស្លាប់ព្រោះអាចម៍
- ក្ដៅថ្ងៃ មិនស្មើក្ដៅចិត្ត
- ក្ដៅស៊ីរាក់ ត្រជាក់ស៊ីជ្រៅ
- ក្រពើវង្វេងបឹង
- ក្រមុំដណ្ដឹងម្ដាយ មេម៉ាយដណ្ដឹងចិត្ត
- ក្រអ្វីក្រចុះ កុំអោយតែក្រគំនិត
- ខឹងខុស ខឹងខូច ខឹងខាត
- ខឹងគោ វាយរទេះ
- ខឹងអោយអត់ ខ្សត់អោយរក
- ខ្ពស់កប់ពពក ចុះមកជ្រកអាចម៍ជន្លេន
- ខ្មោចស្រុកអោយដៃ ទើបខ្មោចព្រៃវាហ៊ានធ្វើ
- ខ្លាមិនខ្លាច ទៅខ្លាចអាចម៍ខ្លា
- ខ្លួនរស់ របស់រកបាន
- គោដំបៅខ្នង ក្អែកហើររំលង រំសាយកន្ទុយ
- គ្នាច្រើនអន្សមខ្លោច គ្នាដូចស្រមោចអន្សមឆៅ
- គ្រូកាច សិស្សខូច
- គ្រូទាយ ម្ដាយថា
- ឃើញដំរីជុះ កុំជុះតាមដំរី
- ឃ្លាតកាយ ណាយចិត្ត
- ឃ្លានឆ្ងាញ់ ស្រឡាញ់ល្អ
- ងប់នឹងល្បែង តែងវិនាស
- ងើយវាស្កក ឱនវាដាក់គ្រាប់
- ចង់មានអោយជួញអង្ករ ចង់ក្រអោយជួញឡាន
- ចាក់អង្ករ យកអង្កាម
- ចានមួយរាវ លែងអីរណ្ដំគ្នា
- ចាប់ក្ដាមដាក់ចង្អេរ
- ចាប់នេះ ចាប់នោះ មិនឆ្ពោះត្រង់ណា
- ចូលព្រៃទាន់ព្រឹក ចង់សឹកទាន់នៅក្មេង
- ចូលស្ទឹងតាមបត់ ចូលស្រុកតាមប្រទេស
- ចំណីឆ្ងាញ់ កុំទុកស្អែក
- ចេះដប់ មិនស្មើនឹងប្រសប់មួយ
- ចេះពីរៀន បានពីរក
- ចេះឯងអោយក្រែងចេះគេ
- ឆ្កែខាំ កុំខាំឆ្កែវិញ
- ឆ្កែព្រុស មិនដែលខាំ
- ឆ្នាំងណា គ្របនឹង
- ឆ្មាមិននៅ កណ្ដុរឡើងរាជ្យ
- ឆ្អិនក្បាលស៊ីក្បាល ឆ្អិនកន្ទុយស៊ីកន្ទុយ
- ជាងទងស៊ីរងកំបែក ជាងដែកស៊ីហែកនឹងដៃ
- ជាងមិនកើត បន្ទោសដែក
- ជិះក្របី ចម្លងភក់
- ឈាមស្រែក ស្បែកហៅ
- ឈើកោងវល្លិព័ទ្ធ មនុស្សខ្ចាត់ភ្លាត់កុំយកខ្លួនបៀត
- ឈើពុក កុំដាក់គូទលើ
- ដល់ត្រើយ សើយគូទ
- ដាំជើងក្រាន មិនប្រមាណឆ្នាំង
- ដឹងដប់ ប្រសប់ឈើមួយ
- ដៃភ្លើង ជើងមាន់
- ដំរីជល់គ្នា ងាប់ស្មៅចិញ្ចៀន
- ដំរីសារស្លាប់ យកចង្អេរបាំង
- តក់ៗ ពេញបំពង់
- ត្រីងៀត ឆ្លៀតពង
- ត្រីមួយត្រក ស្អុយមួយ ស្អុយទាំងអស់
- ថោកអ្វីនឹងដៃ ថ្លៃអ្វីនឹងមាត់
- ទន្លេដប់ មិនស្កប់សមុទ្រមួយ
- ទម្ពក់វាទៅ ទើបព្នៅវាមក
- ទូកទៅ កំពង់នៅ
- ធ្នូបង់បាញ់ ធម៌បង់ទន្ទេញ ស្ត្រីបង់ភស្ដា
- ធ្វើគុណ ១០០ សំពៅ ទោស ១ ចូលទៅរលាយគុណអស់
- ធ្វើស្រែទាន់ក្ដៅដី ចង់ស្រីទាន់ក្ដៅចិត្ត
- ធ្វើស្រែនឹងទឹក ធ្វើសឹកនឹងបាយ
- ធ្វើស្រែឲ្យមើលស្មៅ ទុកដាក់កូនចៅ ឲ្យមើលផៅសន្ដាន
- ធ្វើល្អបានល្អ ធ្វើអាក្រក់បានអាក្រក់
- ធ្វើគុណ បានទោស
- នៅផ្ទះម្ដាយទីទៃ ទៅព្រៃម្ដាយជាមួយ
- បាតដៃ ខ្នងដៃ
- បុណ្យក៏ធ្វើ ឈើក៏កាប់
- បូញមាត់ បត់ដុំដៃ
- ប្រហែសបាត់ ប្រយ័ត្នគង់
- ប្រញាប់ពេក ដេកផ្លូវ
- ប្រាក់ក៏បង់ ថង់ក៏ដាច
- ផ្លែឈើជ្រុះ មិនដែលឆ្ងាយពីគល់
- ពាក្យម្ដាយ ទំនាយគ្រូ ( គ្រូទាយ ម្ដាយថា )
- ពេលឈឺ យកដំរីបន់ ពេលស្រន់ យកពងមាន់ទៅថ្វាយ
- ភូតនៅហោរ ចោរនៅជាង
- មនុស្សនឹងប្រាក់ យក្ខនឹងសាច់
- មានដំបៅ ទើបរុយវាមានរោម
- មានមាស ខ្វះក្រដាសខ្ចប់
- មាសល្បងអគ្គី ទុក្ខវេទនាល្បងមនុស្ស
- មឹះៗ កេះឆ្នាំងបាយឆ្លុះ
- ម្នៅៗ យកជ័រព្នៅមកត្បៀតឃ្លៀក
- យកពងមាន់ទៅផ្ញើនឹងក្អែក
- យប់មើលនឹងដៃ ថ្ងៃមើលនឹងភ្នែក
- រកអុស ប្រទះឈើងាប់
- រស់តែមាត់ ត្រគាកស្លាប់ស្ដូក
- រឹងដែកពត់បាន រឹងចានពត់បាក់
- លួចគេធ្លាប់ដៃ ដេកថ្ងៃធ្លាប់ភ្នែក
- លឿន លៃមិនទាន់
- លេងក្មេង អាប់យស លេងពស់ៗខាំ
- សូវស្ដួច កុំអោយដាច់
- សូវស្លាប់បា កុំឲ្យស្លាប់មេ សូវលិចទូកកណ្ដាលទន្លេ កុំឲ្យភ្លើងឆេះផ្ទះ
- ស្រឡាញ់ខ្លួន អោយស្ងួនចំណី
- ស្រឡាញ់កុំទៅញឹក បើរលឹកសឹមទៅម្ដងៗ
- ស្លៀកស្បង់មិនកោរសក់ ឆ្លុះកញ្ចក់ធ្មេចនេត្រា
- ស្លាប់ដូចពស់ រស់ដូចកង្កែប
- ហុតទឹក សម្លឹងកាក
- អង្គុយលើចង្អេរ លើកខ្លួនឯង
- អន្ទង់វែង ឆ្នាំងវែង
- អាវៀចធ្វើកង់ អាត្រង់ធ្វើទូក
ស្រាវជ្រាវដោយ ៖ យី ធន និង ឱម ខែម
ដកស្រងចេញពី ៖ ទស្សនាវដ្ដី កម្ពុជសុរិយា ឆ្នាំទី ៤៨ លេខ ១ គ.ស. ១៩៩៤ ។
ដកស្រងចេញពី ៖ ទស្សនាវដ្ដី កម្ពុជសុរិយា ឆ្នាំទី ៤៨ លេខ ១ គ.ស. ១៩៩៤ ។
0 comments:
Post a Comment