បទភ្លេង បរទេស
ទំនុកច្រៀង ដោយ ញ៉ែម ផុន
ច្រៀង ដោយ ស៊ីន ស៊ីសាមុត និង ប៉ែន រ៉ន
ស្រី. វាយោត្រជាក់ ធ្លាក់មកពីឆ្ងាយ ទឹកហូរអន្លាយ ហូរទៅសែនឆ្ងាយសន្លឹម តន្ត្រីធម្មជាតិ ឆ្លៀតថ្នូរគ្រហឹម ច័ន្ទរះមកប៉ប្រឹម ហាក់ប្រឹងញញឹមរកស្រី ។
ស្រី. អូននៅចាំបង នួនល្អងឆ្នើមចិត្ត អារម្មណ៍អូនគិត ខ្លាចបងស្នេហ៍តែសម្ដី ខ្លួនពេញក្រមុំកំពុងពេញវ័យ តែអូនមានចិត្តភក្ដី ស្ម័គ្រស្មោះលើថ្លៃតែមួយ ។
ប្រុស. បារម្ភអ្វីអូន មាសស្ងួនបណ្ដូលជីវិត បងមិនក្បត់ចិត្ត ពិតជាមិនឲ្យអូនព្រួយ បងថ្នមមាសស្នេហ៍ បងថែជាពន្លកត្រួយ ស្នេហ៍យើងតែមួយ ឈប់ព្រួយរឿងបងមានថ្មី ។
(ពីរនាក់). ទឹកដីព្រៃខ្យល់ យល់ហើយជួយចាំ សូមជួយចំណាំ បណ្ដាំទុកជាសាក្សី ថាចិត្តយើងស្មោះ លុះត្រាតែក្ស័យ បើកើតជាតិថ្មី ប្រាថ្នាសុំជួបម្ដងទៀត ៕
Subscribe to:
Post Comments
(
Atom
)
0 comments:
Post a Comment