ការផ្សាយរបស់បណ្ណាគារ ពន្លឺពេជ្រ ឆ្នាំ ១៩៧៣
វត្ថុបំណងអ្នករៀបរៀង
ដោយយល់ឃើញថា : សេចក្ដីស្នេហា អាពាហ៍ពិពាហ៍ ប្ដីប្រពន្ធ ការរាប់អានគ្នា មិត្តភ័ក្ត្រ ... ជាបញ្ហាធម្មតា ប៉ុន្តែវាចាំបាច់ណាស់ចំពោះជីវិតមនុស្សទូទៅ ជាពិសេសចំពោះយុវជន ហើយមនុស្សទាំងអស់គ្នាសុទ្ធតែមានទស្សនៈផ្សេងៗ ខុសប្លែកពីគ្នាផងនោះចំពោះបញ្ហានីមួយៗ ហើយមិនដឹងជាទស្សនៈបែបណា ដែលសមរម្យជាងគេ អាចយកជាមេរៀនបានឲ្យស្របទៅតាមពេលវេលា កាលៈទេសៈបច្ចុប្បន្ន ។ ពីព្រោះហេតុនេះ យើងខ្ញុំចងក្រងគំនិតខ្លះៗ នៃបណ្ដាទស្សនៈវិទូទាំងឡាយ និយាយរួមដើម្បីជាយោបល់ក្នុងការពិចារណារបស់មិត្តអ្នកអានទាំងអស់គ្នា ។
យើងខ្ញុំយល់ឃើញថា : គំនិតទាំងឡាយដែលបានដកស្រង់យកមកនេះ មិនបានសេចក្ដីថា សុទ្ធតែត្រឹមត្រូវ មានលក្ខណៈគ្រប់គ្រាន់ ស្របទៅតាមកាលៈទេសៈបច្ចុប្បន្នទាំងអស់នោះទេ ប៉ុន្តែទោះបីយ៉ាងណា វាក៏ជាកញ្ចក់ឆ្លុះបង្ហាញប្រាប់យើង គ្រាន់ជាមេរៀនដើម្បីដកពិសោធន៍អីចឹងដែរ ទោះខុសឬត្រូវក៏ដោយ ដើម្បីជាគំនិតដល់មិត្តអ្នកអានពិចារណា ។
ក្នុងការបោះពុម្ពផ្សាយលើកទី ២ នេះ អ្នកនិពន្ធបានប្ដូរក្របសៀវភៅខាងមុខថ្មីតាមសម័យនិយម និងបានស្រាវជ្រាវបន្ថែមច្រើនចំនួនរយគំនិតថ្មីៗថែមទៀត ដើម្បីមិត្តអ្នកអានពិចារណ ។
ព្រែកលួង ថ្ងៃ ៣០ ខែ មិថុនា ឆ្នាំ ១៩៩២
អ្នករៀបរៀង
ហ៊ុន គឹមស៊ា
១. វេយ្យាករណ៍សុភមង្គល អាចជួយផ្ដល់គំនិតជាច្រើន ដល់មិត្តអ្នកអាន និងសិស្សានុសិស្ស ក្នុងការស្វែងរកផ្លូវទៅកាន់សុភមង្គល ។
២. វេយ្យាករណ៍សុភមង្គល ជាកញ្ចក់មួយបញ្ចាំង នូវគំនិតខុសគ្នាក្នុងសម័យ និងក្នុងកាលៈទេសៈ ខុសគ្នានីមួយៗ ដើម្បីមិត្តអ្នកអាន និងសិស្សានុសិស្សពិចារណា ។
៣. វេយ្យាករណ៍សុភមង្គល អាចជួយផ្ដល់គំនិតជាច្រើន ក្នុងការកសាងបុគ្គលិកចរិយា និងមធ្យោបាយដើម្បីធ្វើម្ចាស់ខ្លួន ។
៤. វេយ្យាករណ៍សុភមង្គល អាចជួយមធ្យោបាយជាច្រើន ក្នុងការស្វែងរកជ័យជម្នះគ្រប់វិស័យ នៅក្នុងជីវិតរបស់ខ្លួន ។
មាតិកា
១. វត្ថុបំណងអ្នករៀបរៀង២. ទូទៅ
៣. អនាមិក
៤. បុរសស្ត្រី ប្ដីប្រពន្ធ
៥. ប្រច័ណ្ឌ និងអាពាហ៍ពិពាហ៍
៦. ការស្រឡាញ់រាប់អាន
៧. ស្រឡាញ់
0 comments:
Post a Comment